اسلام آباد۔17دسمبر (اے پی پی):وزیر داخلہ شیخ رشید احمد آکھیے جو وزیراعظم عمران خان اوآئی سی کانفرنس توں خصوصی خطاب کریسن ۔ جمعے کوں میڈیا نال ڳال کریندے ہوئیں وزیر داخلہ آکھیے جو او آئی سی اجلاس کیتے آوݨ آلے غیر ملکی مندوبین ساݙے مہمان ہن انہاں دا خصوصی خیال رکھیا ویسی تاں جو انہاں دی خدمت اتے انہاں دی سیکورٹی اچ کہیں قسم دی کوئی کسر نہ ونڄے ، انہاں آکھیے جو ایں کانفرنس اچ 57 ملکاں دے مندوبین اتے وزرا خارجہ شرکت کرݨ آندے پئن ، او آئی سی کانفرنس ایں ویلھے افغانستان دی صورتحال ، اتھاں جنم گھندے انسانی مسائل اتے افغانستان کوں درکار امداد اتے توجہ دے حوالے نال تاریخی کردار ادا کریسی ، انہاں آکھیے جو اوآئی سی کانفرنس دا سہرا موجودہ حکومت کوں ویندے ۔ 40 سال بعد پاکستان اچ او آئی سی کانفرنس دے انعقاد دا اے اقدام وزیراعظم عمران خان ڳھدے۔ انہاں آکھیے جو ایں کانفرنس دے دوران اسلام آباد اچ ہفتہ اتے سنوار کوں مقامی طور تے چھٹی ہو سی کانفرنس پارلیمنٹ اچ تھیندی پئی اے ایں کیتے ایں دوران ریڈزون اچ آوݨ ونڄݨ اچ مشکلات تے عوام توں معذرت چاہندوں ، انہاں آکھیے جو اے ٻہوں اہم کانفرنس اے اتے ایندی سکیورٹی دے اقدامات پاک فوج، سویلین ادارے، ایجنسیز سی ڈی اے اتے اسلام آباد پولیس رل تے کریندے پئن ۔
