راولپنڈی۔18دسمبر (اے پی پی) چیف آف آرمی سٹاف جنرل قمر جاوید باجوہ آکھیا جو دنیا غیر مستحکم افغانستان دی متحمل نی تھی سڳدی، افغانستان اچ انسانی بحرانی توں بچݨ کیتے عالمی اتحاد اتے مخلصانہ کوششاں دی لوڑھ اے۔ انہاں اے ڳالھ افغانستان تے پاکستان کیتے جرمنی دے خصصی نمائندے جیسپر ویک نال ملاقات اچ آکھی۔ ملاقات اچ آپسی دلچسپی ،علاقائی سلامتی، افغانستان دی اڄوکی صورتحال اتے انسنای ہمدردی دے اقدامات اتے سانجھے داری تے ڳالھ مہاڑ کیتی۔ ہفتے کوں آئی ایس پی آر ولوں جاری پریس ریلیز دے مطابق ایں موقع تے جنرل قمر جاوید باوجوہ آکھیا جو پاکستان عالمی اتے علاقائی معاملیاں اچ جرمنی دے کردار کوں قدر نال ݙیکھدے۔ اساں جرمنی نال آپݨے ݙو پاسہ تعلقات کوں ودھاوݨ چاہندوں۔ ایں موقع تے جرمنی دے نمائندے افغانستان دی صورتحال اچ پاکستان دے کردار، بارڈر منیجمنٹ کیتے خصوصی کوششاں تے پاکستان دے کردار دی تعریف کیتی۔
