اسلام آباد۔18دسمبر (اے پی پی) وزیر خارجہ مخدوم شاہ محمود قریشی آکھیا جو دنیا فوری توجہ نہ ݙتی تاں افغانستان اچ انسانی بحران شدید تھی سڳدے۔ افغانستان اچ معطل بینکنگ سسٹم فوری بحال کرݨ دی لوڑھ اے۔ او آئی سی وزرائے خارجہ کونسل دے غیر معمولی اجلاس بارے ہفتے کوں آپݨے بیان اچ وزیرخارجہ آکھیا جو افغانستان نازک صورتحال اچ اے، اوآئی سی وزرائےخارجہ کانفرنس ٻہوں اہمیت رکھندی اے۔ انہاں آکھیا جو کانفرنس دنیا دی توجہ افغانستان آلے پاسے ݙواوݨ کیتے ٻہوں اہم اے۔ دنیا کوں افغانستان دے زمینی حقائق بارے پتہ ہووݨا چاہیدے۔
