اسلام آباد۔19دسمبر (اے پی پی):وفاقی وزیر اطلاعات و نشریات چوہدری فواد حسین آکھیے جو پاکستان، ترکی اتے ملائیشیا وچال میڈیا رابطے دے ودھارے کیتے مشترکہ ٹیلی ویژن قائم کیتا ویسی ، میڈیا اشتراک کیتے فوکل پرسنز بݨا ݙتے ڳئن ، جوائنٹ میڈیا نیٹ ورک تشکیل ݙیسوں ، او آئی سی پلیٹ فارم دے تحت سکالرز دا ایجھا یونٹ تشکیل ݙتا ونڄے جیڑھا جو مذہبی مسئلیں اچ رہنمائی کر سڳے۔ اتوار کوں میڈیا نال ڳال مہاڑ کریندے ہوئیں وفاقی وزیر اطلاعات آکھیے جو وزیراعظم دی او آئی سی اجلاس دے موقع تے مختلف مندوبین نال ملاقاتاں تھئن ، افغانستان دی صورتحال بنیادی موضوع رہی، وزیراعظم رحمت للعالمین اتھارٹی دا وی خصوصی ذکر کیتے۔ انہاں آکھیے جو پاکستان، ترکی اتے ملائیشیا دے درمیان میڈیا رابطے دے ودھارے کیتے مشترکہ ٹیلی ویژن قائم کیتا ویسی ، میڈیا اشتراک کیتے فوکل پرسن بݨا ݙتے ڳئن، جوائنٹ میڈیا نیٹ ورک تشکیل ݙیسوں ۔ چوہدری فواد حسین آکھیے جو پاکستان، ملائیشیا اتے ٻئے ملکاں اچ شدت پسندی دے معاملات نال نبݨݨ دی لوڑھ اے ، او آئی سی پلیٹ فارم دے تحت سکالرز دا ایجھا یونٹ تشکیل ݙتا ونڄے جیڑھے جو مذہبی مسئلیں اچ رہنمائی کر سڳے ، انہاں آکھیے جو رحمت اللعالمین اتھارٹی دے ذریعے سارے سکالرز کوں ھک جاہ تے کٹھا کیتا ویسی ۔ وفاقی وزیر اطلاعات آکھیے جو او آئی سی دے تحت ایجھا فورم تشکیل ݙیوݨ دی کوشش کریندے پیوں جیڑھا جو مذہبی بحث اچ آوݨ آلے مسئلیں کوں حل کرسڳے۔ انہاں آکھیے جو رحمت العالمین اتھارٹی دے دائرہ کار کوں وسعت ݙتی ویسی ، او آئی سی دے تحت ایجھا ہی یونٹ تشکیل ݙتا ویسی ۔
