اسلام آباد۔19دسمبر (اے پی پی) وزیر خارجہ مخدوم شاہ محمود قریشی آکھیا جو پاکستان صومالیہ نال آپݨے برادرانہ تعلقات کوں ٻہوں اہمیت ݙیندے، اساں صومالیہ نال سائنسی، تکنیکی، دفاعی اتے سفارتی شعبیاں اچ آپݨا تعاون کیتے تیار ہیسے۔ اے ڳالھ انہاں اتوار کوں او آئی سی دے وزرائے خارجہ کونسل دے غیرمعمولی اجلاس دے موقع تے صومالیہ دے دے آپݨے ہم منصب عبدالسعید موسے علی نال ڳالھ مہاڑ کریندیں ہوئیں آکھی۔ ملاقات اچ ݙو پاسہ تعلقات، علاقائی صورتحال سودھے آپسی دلچسپی دے معاملیاں تے ڳالھ مہاڑ کیتی ڳئی۔ وزیرخارجہ آکھیا جو جو پاکستان صومالیہ نال آپݨے برادرانہ تعلقات کوں ٻہوں اہمیت ݙیندے، اساں صومالیہ نال سائنسی، تکنیکی، دفاعی اتے سفارتی شعبیاں اچ آپݨا تعاون کیتے تیار ہیسے۔پاکستان نادرا دے ذریعے صومالیہ دے قومی ڈیٹا بیس ٻݨاوݨ دے نال نال فوجی تربیتی کورسز اچ تعاون کرݨ کیتے وی تیار اے۔ صومالیہ دے وزیر خارجہ او آئی سی وزرائے خارجہ کونسل دے غیرمعمولی اجلاس دے انتظامات دی تعریف کیتی اتے پر خلوص میزبانی تے وزیر خارجہ مخدوم شاہ محمود قریشی دا شکریہ ادا کیتا۔
