موسمیاتی تبدیلی، تعلیم، غربت مکاوݨ، توانائی اتے صحت دے چیلنجز نال نمٹݨ کیتے سارک ممالک اچ تکڑے ڳانݙھے دی لوڑھ اے، وزیراعظم عمران خان دی سیکرٹری جنرل سارک نال ملاقات

اسلام آباد۔24 دسمبر(اے پی پی)وزیراعظم عمران خان سیالکوٹ واقعہ دی مذمت کریندے آکھیے جو واقعہ دے ذمہ داراں کوں تیکھے انصاف دی پکڑ ہیٹھ ڳھن آوݨ کیتے ضروری اقدامات کیتے ڳین، موسمیاتی تبدیلی، تعلیم، غربت مکاوݨ، توانائی اتے صحت دے چیلنجز نال نمٹݨ کیتے سارک ممالک اچ تکڑے ڳانݙھے دی لوڑھ اے، اے ڳالھ انہاں سارک دے سیکرٹری جنرل ایسالا روان ویراکون نال ملݨ ویلھے الیندے آکھی۔ وزیراعظم سارک دے دائرہ کار دے تحت علاقائی تعاون ٻیا تکڑا کرݨ کیتے پاکستان ولوں ودھ تعاون دا یقین ݙیوایا۔ وزیراعظم آکھیا جو سیالکوٹ واقعہ قابل مذمت اے جیندا کوئی وی جواز پیش نئیں کیتا ونڄ سڳدا، شرپسنداں کوں انسآف دی پکڑ اچ ڳھن آوݨ کیتے اقدامات تھیندے پن۔ وزیراعظم آکھیا جو سائوتھ ایشیا دے عوام دا جیوݨ سوکھا کرݨ کیتے سارک اقتصادی بہتری کیتے ہک سازگار ماحول ݙے سڳدے، امید اے سارک سربراہ کانفرنس دی میزبانی اچ رکاوٹاں مکاؤݨ توں بعد ایکوں اپکستان اچ منعقد کیتا ویسی، سراک رکن ملکاں وچال روابط کیتے کوششاں جاری رکھیسوں۔