اسلام آباد۔24دسمبر(اے پی پی)وفاقی وزیر سائنس و ٹیکنالوجی سینیٹر سید شبلی فراز آکھیے جو پنجاب اتے وفاقی دارالحکومت اسلام آباد دے بلدیاتی انتخابات الیکٹرانک ووٹنگ مشین (ای وی ایم) تے کراوݨ دا ہدف اے، الیکشن کمیشن ای وی ایم بارے ہک ہفتہ اچ ٹینڈر جاری کرے ۔ میڈیا نال الیندے انہاں آکھیا جو الیکشن کمیشن ای وی ایم بارے کمپنیاں کوں ہکو سویں مواقع ݙیوے اتے ٹینڈر جاری کرے، جیڑھی کمپنی معیار دے مطابق ہوو اوکوں الیکٹرانک ووٹنگ مشین ٻݨاوݨ دا آکھیا ونڄے، ای وی ایم اچ دیر کرݨ دا ولدا الیکشن کمیشن ݙیسی جو قانون ٻݨیے وی ہک مینہ لنڳھ ڳئے، الیکشن کمیشن ای وی ایم مشینیں منگدے بھل خصوصیات نئیں ݙسیندا، الیکشن کمیشن ݙساوے جو کیڑھی مشین ہووے۔ انہاں امید کیتی جو الیکشن کمیشن دی ٹیکنیکل ٹیم ہک ہفتے اچ خصوصیات طے کر ڳھنسی۔
