اسلام آباد۔4جنوری (اے پی پی):وزیرِ اعظم عمران خان آکھیے جو حکومت قانون دی بالادستی تے یقین رکھیندی اے ،مراعات یافتہ طبقے اتے عام شہری تے قانون دا اطلاق یکساں ہووݨا چاہیدے ۔ اے ڳال انہاں انصاف لائرز فورم دے وفد نال ڳال مہاڑ کریندے ہوئیں آکھی اے ،منگل کوں اتھاں انہاں نال ملاقات کیتی ۔ وفد اچ ایڈیشنل سیکرٹری جنرل پاکستان تحریک انصاف عامر محمود کیانی دے علاوہ چیئرمین آئی ایل ایف سینیٹر علی ظفر، نوید سہیل ملک، فیاض احمد مہر، قیصر عباس شاہ، عمیر نیازی، انیس ہاشمی اتے نیہا وسیم شامل ہن۔ ملاقات اچ انصاف لائرز فورم متعلق امور تے ڳال مہاڑ کیتی ۔
