اسلام آباد۔ 05 ستمبر (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار چھنچھݨ وار کوں اتھاں بجلی دے شعبے اچ مجوزہ اصلاحات دا جائزہ گھنݨ کیتے وزیرِ اعظم ولوں تشکیل ݙتی ڳئی کمیٹی دے اجلاس دی صدارت کیتی۔ نائب وزیرِ اعظم دے آفس توں جاری بیان دے مطابق اجلاس اچ بجلی دے شعبے اچ اصلاحات تے نجکاری دے ایجنڈے تے پیش رفت دا جائزہ گھدا …
نائب وزیرِ اعظم اسحاق ڈار دی صدارت بجلی دے شعبے اچ مجوزہ اصلاحات دا جائزہ گھنݨ کیتے کمیٹی دا اجلاس
مزید خبراں
اسلام آباد۔ 05 ستمبر (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار چھنچھݨ وار کوں اتھاں بجلی دے شعبے اچ مجوزہ اصلاحات دا جائزہ گھنݨ کیتے وزیرِ اعظم ولوں تشکیل ݙتی ڳئی کمیٹی دے اجلاس دی صدارت کیتی۔ نائب وزیرِ اعظم دے آفس توں جاری بیان دے مطابق اجلاس اچ بجلی دے شعبے اچ اصلاحات تے نجکاری دے ایجنڈے تے پیش رفت دا جائزہ گھدا ڳیا ڄیندے اچ اہم اداریاں کوں مضبوط بݨاوݨ اتے انہاں دی استعدادِ کار اچ ودھارا وی شامل اے۔ نائب وزیرِ اعظم ایں موقع تے آکھیا جو آئندہ دا لائحہِ عمل صارفین کوں سامھے رکھیندیں ہوئیں ترتیب ݙتا ونڄے تانجو جاری اصلاحات تے نجکاری دے نتیجے اچ بجلی دے صارفین کیتے زیادہ کارکردگی، پائیداری تے بہتر سہولیات یقینی بݨائی ونڄ سڳن۔ اسحاق ڈار اصلاحاتی عمل کوں واضح نتائج، ادارہ جاتی مؤثریت تے بجلی دے شعبے دی طویل مدتی پائیداری تے بھرپور توجہ دے نال اگوں ودھاوݨ دی اہمیت تے زور ݙتا۔ اجلاس اچ وزیرِ توانائی، وزیرِ اقتصادی امور، وزیرِ اعظم دے معاونِ خصوصی طارق باجوہ، کابینہ تے پاور ڈویژن دے سیکریٹریز دے علاوہ نیشنل کوآرڈینیٹر این سی ایم سی تے وفاقی تے صوبائی حکومتاں دے اعلیٰ حکام شرکت کیتی۔
