وزیرِ اعظم شہباز شریف دی صدارت ایکسپورٹ ڈویلپمنٹ فنڈ دے حوالے نال اجلاس

لاہور۔ 05 ستمبر (اے پی پی) وزیرِ اعظم محمد شہباز شریف ایکسپورٹ ڈویلپمنٹ فنڈ تے ایکسپورٹ امپورٹ بینک آف پاکستان توں بالخصوص چھوٹے تے درمیانے درجے دے کاروباری اداریاں کیتے برآمدی انشورنس کوریج فراہم کرݨ دا خیرمقدم کیتے۔ چھنچھݨ وار کوں وزیرِ اعظم آفس دے میڈیا ونگ توں جاری بیان دے مطابق وزیرِ اعظم شہباز شریف دی صدارت ایکسپورٹ ڈویلپمنٹ فنڈ دے حوالے نال اجلاس تھیا۔ وزیرِ اعظم آکھیا جو 3 ارب روپے دا رسک پول بالخصوص چھوٹے تے درمیانے درجے دے کاروباری اداریاں کیتے ایکسپورٹ کریڈٹ انشورنس تئیں رسائی کوں وسعت ݙیندے، ایں فیصلے نال کاروباری برادری کوں برآمدات دا حجم ودھاوݨ اچ سہولت ملسی۔ وزیرِ اعظم آکھیا جو ملک اچ چھوٹے تے درمیانے درجے دے کاروباری اداریاں دے فروغ کیتے اے انتہائی خوش آئند اقدام اے۔ وزیرِ اعظم ملکی معیشت کوں تقویت ݙیوݨ کیتے اصلاحات تے ایکسپورٹ ڈویلپمنٹ فنڈ دی ٹیم دی پذیرائی کیتی۔ انہاں آکھیا جو تنظیمِ نو تے اصلاحات دے بعد ای ڈی ایف دی قیادت نجی شعبے دے ماہرین دے سپرد کر ݙتی ڳئی اے، ای ڈی ایف دے پاس موجود تمام سرمایہ کاروباری برادری دی سہولت کیتے بروئے کار لایا ویندا پئے، ایہ اقدامات حکومتِ پاکستان دے ملکی معیشت کوں فروغ ݙیوݨ تے برآمدات اچ ودھارے دے عزم دے عکاس ہن۔ وزیرِ اعظم آکھیا جو انہاں اقدامات دے ذریعے پاکستان عالمی سطح تے سرمایہ کاری دا مرکز بݨسی، اے تمام اقدامات برآمدات تے مبنی معیشت کوں فروغ ݙیوݨ دے عزم دی تکمیل کیتے گھدے ویندے پئن۔ اجلاس اچ وزیرِ اعظم کوں ای ڈی ایف دی تنظیمِ نو تے اصلاحات دے حوالے نال بریفنگ ݙتی ڳئی۔ اجلاس کوں ݙسایا ڳیا جو ای ڈی ایف دے کول موجود 24 ارب روپے مکمل طور تے کاروباری برادری دی سہولت کیتے سرمایہ کاری کیتے مختص کر ݙتے ڳئن۔ مزید انفراسٹرکچر دی مد اچ کہیں قسم دا خرچہ نہ کیتا ویسی، ای ڈی ایف اچ ملکی معیشت دی ترقی تے کاروباری برادری دی سہولت کیتے تحقیق، اسکلز ڈویلپمنٹ تے مسابقت اچ ودھارے دے اقدامات کیتے ویندے پئن، پاکستان دی یورپی مارکیٹ تائیں رسائی کیتے خصوصی مراعاتی تجارتی نظام (GSP Plus Status) اچ توسیع دے حوالے نال اقدامات کیتے ویندے پئن۔ اجلاس اچ نائب وزیرِ اعظم تے وزیرِ خارجہ محمد اسحاق ڈار، وفاقی وزراء محمد اورنگزیب، رانا تنویر حسین، جام کمال خان، احد خان چیمہ، وزیرِ مملکت برائے خزانہ بلال اظہر کیانی، وزیرِ اعظم دے مشیر ہارون اختر، ای ڈی ایف بورڈ دے چیئرمین عمر سعید تے متعلقہ اداریاں دے اعلیٰ افسراں شرکت کیتی۔