اسلام آباد۔4جنوری (اے پی پی):صدرمملکت ڈاکٹرعارف علوی ورچوئل یونیورسٹی کوں ہدایت کیتی جو ملک دے پرے دے علاقیں خاص طور تے بلوچستان، سندھ، آزاد کشمیر تےگلگت بلتستان دیاں سہولتاں کیتے آپݨی موجودگی ودھاوے ، ورچوئل یونیورسٹی دے دائرہ کار اچ ودھارے توں پرے دے علاقیں دے لوک کورسز اتے ای لرننگ پروگراماں توں مستفید تھی سڳسن ۔مارکیٹ دی لوڑھ پوری کرݨ کیتے مختلف شعبیں اچ آن لائن تعلیم تے تربیت کوں ودھارا ݙیوݨ دی لوڑھ اے ، منڳل کوں ورچوئل یونیورسٹی متعلق بریفنگ اجلاس دی صدات کریندے ہوئیں اے ڳال کیتی اے ، ایں موقع تے ریکٹر ورچوئل یونیورسٹی ڈاکٹر ارشد سلیم بھٹی ملک اچ ای لرننگ دے ودھارے اچ یونیورسٹی دے کردار اتے کارکردگی تے بریفنگ ݙتی ۔بریفنگ دے دوران ݙسایا ڳیا ورچوئل یونیورسٹی 2021 اچ 55 ہزار توں ودھ طلبا کوں داخلے ݙتے جیڑھا جو نمایاں کامیابی اے۔