اسلام آباد۔4جنوری (اے پی پی):وزیراعظم عمران خان آکھیے جو آندیاں نسلاں کیتے اساں آپݨے ماحول کوں بچاوݨا اے ، دنیا اچ ہݨ موسمیاتی تبدیلیاں دے اثرات نال نبݨݨ کیتے احساس پیدا تھیندا پئے ،ساݙی حکومت جنگلات لاوݨ دی مہم شروع کیتی 15 نویں نیشنل پارکس ڈیکلیئر کیتے، شہراں دے نویں ماسٹر پلان بݨائے ویندے پئن، ورلڈ بینک اتے وزارت موسمیاتی تبدیلی دے مابین اشتراک خوش آئند اے۔ اے ڳال انہاں منڳل کوں وزارت موسمیاتی تبدیلی اتے عالمی بینک وچال مشترکہ بیان تے ر دستخط دی تقریب توں خطاب کریندے ہوئیں آکھی اے ۔ وزیراعظم ورلڈ بینک دی معاونت دا شکریہ ادا کریندے ہوئیں آکھیے جو ورلڈ بینک اہم اہداف دے حصول کیتے حکومت پاکستان دے نال تعاون کیتے ۔ انہاں آکھیے جو پاکستان انہاں ملکاں اچ شامل اے جیڑھا جو ماحولیاتی تبدیلی توں ساریں توں ودھ متاثر ہن جݙاں جو ماحول کوں خراب کرݨ اچ ساݙا حصہ ساریں توں گھٹ ، وزیراعظم آکھیے جو اساں آندیاں نسلاں کیتے آپݨے ماحول کوں بچاوݨ تے گلوبل وارمنگ کوں روکݨ اے ۔
