ایکو ٹورازم نال روزگار ݙیوݨ اتے سیاحتی مقامات دے قدرتی حسن دا تحفظ حکومت دی ترجیح اے، وزیرِ اعظم عمران خان

اسلام آباد۔6جنوری(اے پی پی)وزیرِ اعظم عمران خان آکھیے جو ایکو ٹورازم نال مقامی لوکاں کوں روزگار ݙیوݨ اتے سیاحتی مقامات دے قدرتی حسن دا تحفظ حکومت دی ترجیح اے۔ اے ڳالھ انہاں وزیرِ اعظم آزاد جموں و کشمیر سردار عبدالقیوم نیازی نال ملݨ ویلھے آکھی۔ ملاقات اچ آزاد کشمیر اچ بلدیاتی انتخابات سودھا سیاحت دے ودھارے کیتے منسوبیاں تے الایا ڳیا۔ وزیراعظم آکھیا جو حکومت آزاد کشمیر، شمالی علاقہ جات اتے گلگت بلتستان اچ سیاحت دے شعبے دی ودھ صلاحیت توں فیدہ چاوݨ کیتے کم کریندی پئی اے، ایکو ٹورازم نال روزگار ݙیوݨ اتے سیاحتی مقامات دے قدرتی حسن دا تحفظ حکومت دی ترجیح اے۔