ملک اچ آئی ٹی دے شعبہ اچ ترقی دے ٻہوں موقع ہن، پاکستان ہک خاموش انقلاب توں گزردار پئے، خواہش اے جو نینگراں کیتے موقع پیدا کیتے ونڄن، صدر مملکت ڈاکٹر عارف علوی دا ایوان صدر اچ ہواوے مقابلیاں دی چھیکڑی تقریب توں خطاب

اسلام آباد۔14جنوری (اے پی پی) صدر مملکت ڈاکٹر عارف علوی آکھیا جو ملک اچ آئی ٹی دے شعبہ اچ ترقی دے ٻہوں موقع ہن، پاکستان ہک خاموش انقلاب توں گزردار پئے، خواہش اے جو نینگراں کیتے موقع پیدا کیتے ونڄن۔ اے ڳالھیں انہاں جمعے کوں ایوان صدر اچ ہواوے مقابلیاں دی چھیکڑی تقریب توں خطاب کریندیں ہوئیں آکھی۔ تقریب اچ وفاقی سیکرٹری انفارمیشن ٹیکنالوجی ڈاکٹر سہیل راجپوت، ہواوے دے نائب صدر مڈل ایسٹ ریجن وانگ شان لی اتے آئی ٹی دے شعبہ دے ماہرین شریک تھیے۔ انہاں آکھیا جو اساں ملک اچ ٹیکنالوجی دا فرق دور کرݨے۔ پاکستان کوں انفارمیشن ٹیکنالوجی اتے سائبر سکیورٹی ماہرین کوں تیار کرݨ دی لوڑھ اے۔