حکومت ایم ایل ون منصوبے کوں تکھے مکمل کرݨ کیتے کوشاں اے ، وفاقی وزیرریلوے اعظم سواتی

اسلام آباد۔18جنوری (اے پی پی):وفاقی وزیر ریلویز سینیٹر اعظم سواتی آکھیے جو حکومت ایم ایل ون منصوبے کوں تکھے مکمل کرݨ کیتے کوشاں اے، ایوان کوں وی ایں منصوبے کوں تکھا کرݨ کیتے آپݨا کردار ادا کرݨا چاہیدے ، ریلویز اچ 230 ٻوڳھیاں شامل کیتیاں ڳئن ۔ منڳل کوں سینیٹ اجلاس اچ سوالاں دے وقفے ویلھے سینیٹر افنان اللہ خان دے سوال دے جواب اچ انہاں آکھیے جو وزارت منصوبہ بندی موجودہ ایم ایل ون دی اپ گریڈیشن اتے حویلیاں دے نیڑے ڈرائی پورٹ دے قیام دی پی سی ون دی 6.806 ارب ڈالر دی لاگت توں منظوری ݙتی اے ، پیکج ون دے قرضے کیتے چین دی حکومت کوں درخواست کیتی ڳئی اے ۔ انہاں آکھیے جو ریلویز کوں منافع بخش ادارہ بݨاوݨ کیتے کم کریندے پیوں، ریلویزاچ 230 نویاں ٻوڳھیاں شامل کیتیاں ڳئن ، مزید ٻوگھیاں کوں رلاوݨ کیتے اقدامات کیتے ویندے پن ۔