سپیکر قومی اسمبلی دا معروف اداکار رشید ناز دے انتقال تے اظہار تعزیت

اسلام آباد۔18جنوری (اے پی پی):سپیکر قومی اسمبلی اسد قیصر معروف اداکار رشید ناز دے انتقال تے اظہار تعزیت کریندے ہوئیں انہاں دی فنی خدمات کوں خراج تحسین پیش کیتے ۔منگل کوں سپیکر اپݨے تعزیتی پیغام اچ رشید ناز دے انتقال تے ݙکھ تے افسوس کریندے ہوئیں ݙکھی خاندان دے نال تعزیت کیتی اے ، انہاں آکھیے جو رشید ناز دے انتقال توں پاکستان دی شوبز انڈسٹری ھک نامور اداکار توں محروم تھی ڳئی اے سپیکر اللہ تعالی توں مرحوم دے اچے درجے اتے ݙکھی خاندان کوں ایں ناقابل تلافی نقصان کوں برداشت کرݨ کیتے حوصلہ اتے ہمت ݙیوݨ دی دعا کیتی۔