پاکستان دی پولیس، سول آرمڈ فورسز تے مسلح افواج ملک و عوام دےتحفظ و سلامتی کوں یقینی بݨاوݨ کیتے آپݨی جاناں دے نذرانے ݙتن ، قوم قربانیاں کوں خراج عقیدت پیش کریندی اے ، وزیر داخلہ شیخ رشید احمد

اسلام آباد۔18جنوری (اے پی پی):وزیر داخلہ شیخ رشید احمد آکھیے جو پاکستان دی پولیس، سول آرمڈ فورسز تے مسلح افواج ملک و عوام دےتحفظ و سلامتی کوں یقینی بݨاوݨ کیتے آپݨی جاناں دے نذرانے ݙتن ، قوم قربانیاں کوں خراج عقیدت پیش کریندی اے ، پولیس تے فائرنگ کرݨ آلے دہشت گرد ہن ، انہاں دے ٹھکاݨے دا پتہ لا ڳھدے ، پہلے توں ودھ تکڑاں رہݨ دی لوڑھ اے ، اے ڳال انہاں منڳل کوں اسلام آباد پولیس دے شہید کانسٹیبل دی نماز جنازہ اچ شرکت دے بعد میڈیا نال ڳال مہاڑ کریندے ہوئیں آکھی اے ۔وزیرداخلہ آکھیے جو گزریل ݙینھ کراچی کمپنی دے نیڑے دہشتگردی دا واقع تھئے ، ڈیوٹی تے موجود ہیڈ کانسٹیبل منور فائرنگ توں شہید تھی ڳئے ۔ اے چوری یا ڈکیتی دا واقعہ کائنی ،دہشتگردی اے۔ وزیرداخلہ آکھیے جو اساکوں الرٹ رہݨ دی لوڑھ اے ۔پولیس آپݨی جان ݙے تے ثاب کرݙتے جو پاکستان دی ساری فورسز پاکستان دی حفاظت کیتے جان دا نذرانہ ݙیوݨ کوں تیار ہن ، انہاں آکھیے جو ملزماں تئیں پڄ ڳیسے ،انہاں کوں موٹر بائیکس دی مدد توں ٹریس کیتے اتے انہاں دے ٹھکاݨے دا وی پتہ لا ڳھدے ۔