اسلام آباد۔15فروری (اے پی پی):وزیر خارجہ مخدوم شاہ محمود قریشی ہنگو توں پاکستان تحریک انصاف دے رکن قومی اسمبلی حاجی خیال زمان دے انتقال تے ݙکھ تے افسوس کیتے ۔منگل کوں آپݨے ھک بیان اچ وزیر خارجہ تے پاکستان تحریک انصاف دے وائس چیئرمین مخدوم شاہ محمود قریشی آکھیے جو حاجی خیال زمان ٻہوں مخلص اتے خلیق شخصیت دے مالک ہن ،حاجی خیال زمان دی پارٹی کیتے گرانقدر خدمات کوں ہمیشہ یاد رکھیا ویسی ، انہاں مرحوم دے اہل خانہ و پسماندگان دے نال دلی اظہار تعزیت اتے مرحوم دی مغفرت اتے اچے درجے کیتے دعا کیتی اے ۔
