اسلام آباد۔15فروری (اے پی پی) وزیراعظم عمران خان نال سپیکر قومی اسمبلی اسد قیصر ملاقات کیتی اے۔ منگل کوں وزیراعظم آفس دے میڈیا ونگ توں جاری بیان دے مطابق ملاقات اچ قومی اسمبلی اچ قانون سازی بارے معاملیاں تے ڳالھ مہاڑ کیتی ڳئی۔ ایں موقع تے خیبرپختونخوا دے انضمام شدہ اضلاع دی تعمیر و ترقی کوں یقینی ٻݨا تے انہاں کوں قومی دھارے اچ رلاوݨ اتے نینگراں کیتے روزگار دے موقع ٻݨاوݨ بارے وی ڳالھ کیتی ڳئی۔ وزیراعظم نینگراں کیتے روزگار دے موقع ٻݨاتے ، کے پی کے، دے ضم تھیے ضلعیاں دی ترقی کوں یقینی ٻݨاوݨ دی ہدایت کیتی۔
