حکومت ولوں عوامی خدمت دا سفر جاری اے، اتحادی اساݙے رلے ہن، کہیں کوں تحریک عدم اعتماد دا شوق اے تاں پورا کر ڳھنے، وفاقی وزیر شفقت محمود،صوبائی وزیر راجہ یاسر دی پریس کانفرنس

فیصل آباد۔21فروری (اے پی پی) وفاقی وزیر تعلیم تے تربیت اتے پاکستان تحریک انصاف پنجاب دے صدر شفقت محمود اتے صوبائی وزیر ہائر ایجوکیشن پنجاب تے جنرل سیکرٹری پی ٹی آئی پنجاب راجہ یاسر ہمایوں سرفرا ز آکھیا جو حکومت ولوں عوامی خدمت دا سفر جاری اے، اتحادی اساݙے رلے ہن، کہیں کوں تحریک عدم اعتماد دا شوق اے تاں پورا کر ڳھنے۔ او سنوار کوں سرکٹ ہاؤس فیصل آباد اچ پریس کانفرنس توں خطاب کریندے پئے ہن۔ ایں موقع تے پی ٹی آئی پنجاب دی سیکرٹری اطلاعات تے ممبر صوبائی اسمبلی مسرت جمشید چیمہ،صو بائی وزیر کالونیز و ثقافت میاں خیال احمد کاسترو، قومی اسمبلی دی قائمہ کمیٹی برائے خزانہ تے اقتصادی امور دے چیئر مین فیض اللہ کموکا ایم این اے، ممبر صوبائی اسمبلی و چیئر مین ایف ڈی اے چوہدری لطیف نذر، ممبرصوبائی اسمبلی و وائس چیئر مین ایف ڈی اے فردوس رائے اتے پی ٹی آئی دے ڈویژنل، ضلعی تے شہری عہدیداراں ا تے بلدیاتی انتخا بات اچ اہم نشستاں تے حصہ ڳھنݨ آلے رہنما وی موجود ہن۔