اسلام آباد۔20مارچ (اے پی پی) وفاقی وزیر اطلاعات تے نشریات چوہدری فواد حسین آکھیا جو تحریک انصاف دے منحرف اراکین کوں نوٹس جاری کر ݙتن، ست ݙینھ اچ پوزیشن نشابر کرݨ دا آکھے، ہک ہفتے بعد انہاں دی جہیں کوں خالی قرار ݙیوݨ دی کاروائی تھیسی۔ اتوار کوں آپݨے ہک ٹویٹ اچ انہاں آکھیا جو ہک ہفتے بعد انہاں دی جہیں کوں خالی قرار ݙیوݨ دی کاروائی تھیسی، اتے سارے ارکان تاحیات نااہل تھیسن۔ مخصوص نشستاں تے نویں ممبران نامزد کیتےویسن۔
