اسلام آباد۔22مارچ (اے پی پی) قازقستان دے نائب وزیراعظم مختارتلبردی آکھیا جو مسلم امہ وچال چیلنجز نال نبڑݨ کیتے سانجھی حکمت عملی ویلھے دی لوڑھ اے، سلامتی کونسل دی قرارداداں دے مطابق مسئلہ کشمیر اتےمسئلہ فلسطین دا حل ضروری اے۔ منگل کوں قازقستان اتے ایشیا گروپ دے نمائندے دے طورتے اسلامی تعاون تنظیم دے وزرائے خارجہ دی کونسل دے 48 ویں اجلاس توں خطاب کریندیں ہوئیں قازقستان دے نائب وزیراعظم آکھیا جو اوآئی سی وزرائے خارجہ کونسل دے اجلاس دی پاکستان کوں بہترین میزبانی تے مبارخ ݙینداں۔ ایں ویلھے دنیا کوں عالمی سطح تے کئی تنازعیاں دا سامݨا اے۔ روس یوکرین تنازعہ نال عالمی معیشت دبائو دا شکار اے۔ انہاں آکھیا جو قازقسان کشمیر دے مسئلے دا سلامتی کونسل دی قرارداداں دے مطابق منصفانہ حل چاہندے۔ ایندے نال نال سلامتی کونسل دی قرارداداں دے مطابق فلسطین دےمسئلے دا وی منصفانہ حل چاہندے۔ افغانستان دی صورتحال تے اساکوں تشویش اے۔ افغانستان کوں انسانی بنیاداں تے فوری امداد دی لوڑھ اے۔
