اسلام آباد۔22مارچ (اے پی پی) وزیراعظم عمران خان آکھیا جو وزیراعظم عمران خان نال چین دے وزیر خارجہ اتے سٹیٹ قونصلر دی ملاقات، سی پیک دا ݙوجھا مرحلہ پاکستان دی اقتصادی ترقی کوں ودھیسی، بھارت دا غیر ذمہ دارانہ رویہ علاقائی امن تے سلامتی دے رستے اچ وݙی رکاوٹ اے۔ یوکرین دے تنازعہ دا حل پائیدار مذاکرات اتے سفارتکاری دے ذریعے ضروری اے، چین پاکستان اقتصادی راہداری منصوبے دا ݙوجھا مرحلہ پاکستان دی اقتصادی ترقی کوں ودھیسی۔منگل کوں او آئی سی دے وزرا خارجہ کونسل دے 48 ویں اجلاس اچ شرکت کیتے پاکستان آئے ہوئے چین دے وزیر خارجہ اتے سٹیٹ قونصلر وانگ ژی ، وزیراعظم عمران خان نال ملاقات کیتی۔ وزیراعظم ، وانگ ژی دا پاکستان اچ خیر مقدم کریندیں ہوئیں گزریل ݙینھ چائنہ ایسٹرن فلائٹ دے حادثہ اچ قیمتی جاناں دے ضیان تے دلی ہمدردی کیتی۔ چینی وزیر خارجہ چین دے صدر شی جن پنگ اتے چینی وزیراعظم لی کی چیانگ ولوں وزیراعظم کوں پر خلوص تمناواں دا سنیھا پڄایا اتے چین پاکستان وچال ہر موسم اچ تزویراتی تعاون اتے سانجھے داری ودھاوݨ دا اعادہ کیتا۔