عدم اعتماد ٻاہرلی سازش اے، دستاویزی ثبوت سینئر صحافیاں اتے اتحادیاں دے نمائندیں کوں ݙکھاوݨ دا فیصلہ کیتے ، ارکان اے ضرور سوچو جواو پاکستان دے خلاف کہیں عالمی سازش دا حصہ نہ بݨ ونڄوں ، وزیراعظم عمران خان دا ای پاسپورٹ دے افتتاح دے موقع تے خطاب

اسلام آباد۔30مارچ (اے پی پی):وزیراعظم عمران خان آکھیے جو عدم اعتماد جمہوری طریقہ اتے سیاسی بحران پارلیمانی جمہوریت دا حصہ ہن تاں جو موجودہ عدم اعتماد ٻاہرلی سازش اے، فیصلہ کیتے جو ایں سازش دے دستاویزی ثبوت سینئر صحافیاں کوں ݙکھیسوں جݙاݨ کو اݨڄاݨے اچ ایں سازش دا حصہ بݨݨ آلے اتحادیاں دے نمائندیں کوں وی اے دستاویزی ثبوت ݙکھیسوں ، ارکان جیڑھا فیصلہ چاہن کرن لیکن اے ضرور سوچن جو او پاکستان دے خلاف کہیں عالمی سازش دا حصہ نہ بݨ ونڄن ، ای پاسپورٹ پاکستان اچ سیاحت دے ودھارے تے تارکین وطن کیتے ھک وݙی سہولت ہوسی ، پاکستان دے مستقبل دا دارومدار سیاحت تے ہے، اساں سیاحت کوں صنعت دا درجہ ݙتے ۔ بدھ کوں اسلام آباد اچ ای پاسپورٹ دے افتتاح دے موقع تے خطاب کریندے ہوئیں وزیراعظم وزارت داخلہ اتے نادرا کوں ایں سہولت دے آغاز تے مبارخ ݙیندے ہوئیں آکھیے جو دنیا اچ ٹیکنالوجی لوکاں دیاں زندگیاں اچ آسانیاں پیدا کیتیاں، ایں توں کرپشن دا خاتمہ تھئے ، شوکت خانم ہسپتال اچ 22 سال پہلے اساں سارا نظام پیپرلیس کر ݙتا ہئی ، ایں توں ہسپتال اچ دوائیں یا ٻئی چھوٹی موٹی کرپشن اچ نمایاں کمی آئی۔ وزیراعظم آکھیے جو ملک اچ ھک پیٹی کرپشن ہوندی اے تے ݙوجھی وݙے پیمانے تے کرپشن اے، جیویں نیشنل ہائی وے اتھارٹی اچ 2013 دے مقابلے اچ 2021 اچ بݨݨ آلی موٹرویز دی فی کلومیٹر لاگت 23 کروڑ روپے گھٹ ہئی ، ایں طرح ھک ہزار ارب روپے دی کرپشن کیتی ڳئی ، ای ٹینڈرنگ توں ایندے اچ نمایاں کمی آئی اے۔