اسلام آباد۔30مارچ (اے پی پی) وفاقی وزیر داخلہ شیخ رشید آکھیا جو وزیر اعظم عمران خان دے استعفی دا سوال ای پیدا نی تھیندا، او چھیکڑی گیند تئیں لڑسی، کابینہ وزیراعظم تے اعتماد کیتے۔ بدھ کوں میڈیا نال ڳالھ مہاڑ کریندیں ہوئیں انہاں آکھیا جو وزیراعظم خط دے مندرجات کابینہ دے سامھے رکھین، جئیں تے ڳالھ مہاڑ تھئی اے، اے ڈان لیکس اتے میمو گیٹ آلی اپوزیشن اے، غیرملکی سرمایہ آلی اپوزیشن کوں معاف نہ کریسی۔ انہاں آکھیا جو قوم نال بدھ کوں ای خطاب کریسن۔ انہاں آکھیا جو تھی سڳدے جو قومی اسمبلی دا اجلاس ان کیمرہ کیتا ونڄے اتے ممکن اے جو وزیر اعظم عمران خان یا وزیر خارجہ شاہ محمود قریشی اچ کوئی ہک خطاب کریسی۔
