اسلام آباد۔28اپریل(اے پی پی)الیکشن کمیشن تحریک انصاف دے سربراہ عمران خان اتے ٻئے پارٹی رہنماواں دی کمیشن دے خلاف تقاریر دا ریکارڈ منگ ڳھدے۔ خمیس کوں کمیشن دی طرفوں پاکستان الیکٹرانک میڈیا ریگولیٹری اتھارٹی (پیمرا) توں سابق وزیر اعظم دی پشاور 26 اپریل دی تقریر دی مکمل ریکارڈنگ منگ ڳھدی۔ الیکشن کمیشن سندھ اسمبلی اچ اپوزیشن لیڈر حلیم عادل شیخ، خرم شیر زمان اتے سینیٹر اعجاز چوہدری دی تقریر دی وی ریکارڈنگ منگ ڳھدی اے۔ چئیرمین پیمرا کوں لکھیے ڳئے خط اچ 26 اپریل کوں پشاور اچ ورکر کنونشن اچ عمران خان دی تقریر دی مکمل ریکارڈنگ منگی ڳئی اے ۔
