اسلام آباد۔28اپریل(اے پی پی)سعودی عرب دے ولی عہد شہزادہ محمد بن سلمان بن عبدالعزیز دی دعوت تے وزیراعظم محمد شہباز شریف سعودی عرب دے ترائے ݙینھ دے اعلی سطح دے سرکاری دورے تے خمیس کوں مدینہ منورہ پڄسن۔ وزارت عظمی دا منصب سنبھالݨ توں بعد وزیراعظم دا اے پہلا غیر ملکی دورہ ہوسی۔ دورے اچ وزیراعظم سعودی قیادت نال ملاقاتاں اچ اقتصادی، تجارتی اتے سرمایہ کاری دے تعلقات کوں ودھاوݨ دے علاوہ سعودی عرب اچ پاکستانی افرادی قوت کیتے روزگار دے ودھ توں ودھ موقع پیدا کرݨ دے حوالے نال ڳال مہاڑ کریسن۔ ݙوہیں فریقین سانجھی دلچسپی دے امور خاص طور تے ٻہوں سارے علاقائی اتے بین الاقوامی امور تے وی ڳالھ کریسن۔
