اسلام آباد۔13جون (اے پی پی) وفاقی وزیر آبی وسائل سید خورشید شاہ آکھیے جو کوہستان کیتے ھک ارب روپے دی ترقیاتی گرانٹ اڄوکے بجٹ اچ رکھی ویسی ، کوہستان دی ہر تحصیل اچ ٹیکنیکل کالج ، بی آئی ایس پی اتے نادرا دے دفتر قائم تھیسن ،کوہستان اچ ڈیم متاثرین کیتے بنیادی مراکز صحت دا نظام بہتر بݨایا ویسی ، اے ڳالھ انہاں سنوار کوں داسو ڈیم متاثرین دی تقریب توں خطاب کریندے ہوئیں آکھی اے ۔ تقریب اچ فیصل کریم کنڈی، چیئرمین واپڈا، کوہستان دے عمائدین و عوام دی وݙی تعداد شرکت کیتی۔ وفاقی وزیر آبی وسائل ڈیم منصوبے اچ مقامی ملازمتاں دا کوٹہ سو فیصد کرݨ دا اعلان کریندے ہوئیں آکھیے جو اتھاں میݙے سامݨے داسو ڈیم منصوبے اچ ففٹی پرسینٹ لوکل جابز تے عملدرآمد دا مطالبہ رکھیا ڳئے ۔چیئرمین واپڈا کوں آکھیے جو چھوٹیاں ملازمتاں سوفیصد ایں علاقے دے لوکاں کوں ݙتیاں ونڄن ۔خورشید شاہ کوہستان اچ ترقیاتی کماں کیتے ھک ارب دی گرانٹ مختص کراوݨ دا وعدہ کریندے ہوئیں آکھیے جو پہاڑاں اچ رہݨ آلیں دی زندگی ٻہوں اوکھی اے ، اتھاں ترقیاتی منصوبیں دی ٻہوں لوڑھ ا ے ۔
