اسلام آباد۔3اگست (اے پی پی) وزیر اعظم شہباز شریف نال وفاقی وزیر ساجد حسین طوری دی ملاقات کیتی۔ وفاقی وزیر ساجد حسین طوری ، وزیر اعظم شہباز شریف کوں وزارت سمندر پار پاکستانیز اتے ترقی انسانی وسائل بارے تفصیلی بریفنگ ݙتی۔وفاقی وزیر وزیراعظم کوں ٻاہرلے ملک رہوݨ آلے پاکستانیاں دے مسئلیاں دے حل بارے کیتے ڳئے اقدامات بارے ݙسیا۔ ساجد طوری وزیراعظم کوں مختلف ملکاں اچ معمولی جرائم اچ قید پاکستانیاں دی وطن واپسی بارے ݙسیا۔ بیوریو آف ایمگریشن اتے اورسیز ایمپلائمنٹ کوں نادرا نال جوڑتے ڈیجیٹیلائزیشن دے منصوبے دا جلدی افتتاح کیتا ویسی۔ ساجد حسین طوری وزارت سمندر پار پاکستانیز ملک دے سارے تھاݨیاں اچ اوورسیز فیسیلیٹیشن ڈسک ٻݨیسی۔ وفاقی وزیر ساجد طوری آکھیا جو اسلام آباد اتے خیبر پختونخوا دے مختلف تھاݨیاں اچ سپیشل اوورسیز فیسیلیٹیشن ٻݨا ݙتے ڳئن۔ ملاقات اچ قبائلی اضلاع اچ ترقیاتی منصوبیاں بارے وی ڳالھ مہاڑ کیتی ڳئی۔ وزیر اعظم شہباز شریف ، ساجد حسین طوری کوں یقین ݙوایا جو ضلع کرم کوں سی پیک پلان اچ شامل کیتا ویسی۔ سید طوری کرم ضلع کیتے ایس ڈی جیز دے ترقیاتی منصوبیاں تے جلدی کم کرݨ تے زور ݙتا۔ وزیراعظم ایس ڈی جیز اتے ٻئے ترقیاتی منصوبیاں تے فوری اجلاس سݙݨ دا حکم ݙتا۔ وفاقی وزیر ساجد حسین طوری ، وزیر اعظم شہباز شریف کوں ضلع کرم دے دورے دی دعوی ݙتی جیڑھی انہاں قبول کر ڳھدی۔ وزیراعظم محرم دے بعد پاراچنار دا دورہ کریسن۔
