اسلام آباد۔14اگست (اے پی پی):پاکستان انٹرنیشنل ایئر لائن فضا اچ یوم آزادی تقریبات دا انعقاد کرتے وطن نال محبت دا اظہار کیتے ۔ ترجمان ایئر لائن عبداللہ حفیظ خان دی طرفوں جاری بیان موجب 14 اگست دے ݙینھ پی آئی اے دیاں ساریاں پروازاں تے جشن آزادی منایا ویندا پئے ، پروازاں تے قوم دے نویں معمار ٻالاں جھنڈے آلے کیک کٹیے تے خوشی منائی۔ دوران پرواز خصوصی طور تے ملی نغمے گائے ڳئن تے مسافراں کوں پاکستان دے جھنڈے وی پیش کیتے ڳئن ۔مسافر ایں موقع تے خوشگوار حیرت دا اظہار تے تقریبات توں محظوظ تھئے ۔تقریبات دا خصوصی اہتمام پاکستان دی 75ویں یوم آزادی دے موقع تے کیتا ڳئے ۔
