اسلام آباد۔14اگست (اے پی پی):پاکستان اچ جرمنی دے سفیر ایلفرڈ گراناس اتوار کوں پاکستان دے 75ویں یوم آزادی دے موقع تے مبارخ ݙٰیندے ہوئیں آپݨے ویڈیو پیغام اچ پاکستانی عوام کوں ”جشن آزادی دیاں ڈھیروں مبارخاں” آکھیے۔ انہاں آکھیے اڄ میں مختلف سڑکاں دے کنارے تے کئی خصوصی سٹالز ݙٹھے ، میں وی سڑک دے کنارے رک تے پاکستانی پرچم اپݨی رہائش گاہ تے لاوݨ کیتے ڳھدا ، انہاں آکھیے میں تساں ساریں دے نال تساݙے 75 ویں یوم آزادی دیاں خوشیاں مناوݨ اچ شریک ہاں جرمن سفیر مزید آکھیے جو میں پاکستان اچ ہݨے ہی ذمہ واریاں سانبھئن تے میکوں اتھاں آتے ٻہوں خؤشی تھئی اے ”۔ اپݨے ویڈیو پیغام دے چھیکڑ اچ جرمنی دے سفیر ”پاکستان زندہ باد، اتے پاک جرمنی دوستی زندہ باد” دے نعرے وی لاتن ۔
