اسلام آباد۔14اگست (اے پی پی):صدر مملکت ڈاکٹر عارف علوی ہرنائی، بلوچستان اچ سیکورٹی فورسز دی چوکی تے حملے دی مذمت کریندے ہوئیں آکھیے جو جشن آزادی دے موقع تے ملک دی سلامتی کیتے آپݨی جاناں دا نذرانہ پیش کرݨ آلے شہدا کوں خراج عقیدت پیش کریندوں ، ایوان صدر دے پریس ونگ توں جاری بیان موجب صدر مملکت نائیک عاطف تے سپاہی قیوم دی شہادت تے ݙکھ دا اظہار کیتے ، انہاں شہدا دے اچے درجے تے خاندان کیتے صبر دی دعا کیتی تے زخمی تھیوݨ آلے میجر عمر دی وختی صحت یابی کیتے دعا کیتی ۔
