راولپنڈی ۔15اگست (اے پی پی) سکیورٹی فورسز دے شمالی وزیرستان دے علاقے میر علی اچ خفیہ اطلاعات دی بنیاد تے آپریشن اچ ہک دہشت گرد ماریا ڳیا۔ آئی ایس پی آر دے مطابق سکیورٹی فورسز شمالی وزیرستان دے ضلع میر علی دی ڄاہ تے علاقے اچ خفیہ اطلاع تے کاروائی کیتی۔ کاروائی اچ سکیورٹی فورسز اتے دہشت گرداں وچال فائرنگ تھئی جئیں پاروں ہک دہشت گرد ماریا ڳیا۔ ہلاک دہشت گرد توں اسلحہ اتے گولہ بارود وی ملیا۔ دہشت گرد سکیورٹی فورسز دے خلاف دہشت گردی دی کاروائیاں اتے معصوم شہریاں دے قتل اچ ملوث رہیا۔ او ضلع شمالی وزیرستان اچ قاری سمیع دی ٹارگٹ کلنگ اچ وی ملوث ہئی۔
