چھل متاثرین دے ریلیف، ریسکیو اتے بحالی دی کاروائیاں، ای سی سی یوٹیلیٹی سٹورزکیتے 54 کروڑ ، این ڈی ایم اے کیتے 3 ارب روپے دی منظوری ݙے ݙتی اے

اسلام آباد۔8ستمبر (اے پی پی) کابینہ دی اقتصادی رابطہ کمیٹی (ای سی سی) چھل متاثرین دے ریلیف، ریسکیو اتے بحالی دی کاروائیاں، یوٹیلیٹی سٹورزکیتے 54 کروڑ ، این ڈی ایم اے کیتے 3 ارب روپے دی منظوری ݙے ݙتی اے۔ ای سی سی دا اجلاس خمیس کوں وزیرخزانہ دی صدارت اچ تھیا۔ اقتصادی رابطہ کمیٹی چھل توں متاثرہ علاقیاں اچ ضروری شہیں دی فراہمی کیتے یوٹیلیٹی سٹورزکارپوریشن کیتے 54 کروڑ روپے دی منظوری ݙتی۔ اجلاس اچ پاسکو ولوں سارے وصول کنددگان کوں پنڄاہ فیصد مقامی اتے 50فیصد درآمد شدہ کنڑک دی فراہمی دی موکل ݙتی ڳئی۔اجلاس اچ اڄوکی بارشاں اتے چھل پاروں ملک دے متاثرہ علاقیاں اچ متاثرین دے ریسکیو، ریلیف اتے بحالی دی کاروائیاں کیتے این ڈی ایم اے کیتے ترائے ارب روپے دی منظوری ݙتی ڳئی۔