زرعی ترقیاتی بینک دا آپݨی آمدن دا 10 فیصد حصہ سیلاب زدگان کوں ݙیوݨ دا اعلان

اسلام آباد۔9ستمبر (اے پی پی) زرعی ترقیاتی بینک آپݨی اڄوکے سال دی امدݨ دا 10 فیصد حصہ سیلاب توں متاثرہ لوکاں کوں ݙیوݨ دا اعلان کرݙتے ۔ زیڈ ٹی بی ایل دی طرفوں جاری پریس ریلیز موجب جون 2022 اچ زرعی بینک 514 ملین دا بعد از ٹیکس منافع کمایا جیڑھا جو بینک دی تاریخ اچ ھک مثال اے۔ زرعی ترقیاتی بینک دے صدر محمد شہباز جمیل وزیر خزانہ مفتاح اسماعیل کوں بینک دی طرفوں پنج کروڑ دا چیک ݙتا تے ایں عزم دا اعادہ کیتے جو زیڈ ٹی بی ایل اوکھے ویلھے حکومت تے سیلاب زدگان دی بھر پور مدد کرݨ کیتے تیار اے ۔ 2020 اچ زرعی بینک دا ٹیکس توں پہلے منافع3 ارب روپے توں ودھ تے بعد از ٹیکس ڈھائی ارب دا خسارہ ہئی ۔