قومی شاہراہ 95 دا بحرین ۔ کالام سیکشن ہلکی ٹریفک کیتے کھول ݙتا ڳئے

اسلام آباد۔9ستمبر (اے پی پی):قومی شاہراہ 95 دا بحرین ۔ کالام سیکشن ہلکی ٹریفک کیتے کھول ݙتا ڳئے ۔وزیراعظم محمّد شہباز شریف دی خصوصی ہدایت تے چیئرمین نیشنل ہائی وے اتھارٹی آپݨی زیر نگرانی شاہراہ تے ٹریفک دی بحالی دے کم کوں یقینی بݨایا۔وزیراعظم آفس دے میڈیا ونگ توں جاری بیان موجب قومی شاہراہ 95 بحرین ۔کالام سیکشن دی بحالی توں کالام اچ پھتے سیاح اپݨے گھراں کوں ول آسن تے سیلاب توں متاثرہ علاقیں مٹلتان ، اریانی اتے گبرال اچ امدادی سامان وی سوکھیں پڄ ویسی ، وزیراعظم اوکھے حالات دے باوجود قومی شاہراہ 95 بحرین۔ کالام سیکشن دی بحالی کیتے نیشنل ہائی وے اتھارٹی، فرنٹیئر ورکس آرگنائزیشن اتے پاکستان آرمی دی11کور دے اہلکاراں دیاں کوششاں کوں لائق تحسین قرارݙتے۔