لاپتہ لوکاں دا مسئلہ سنجیدہ معاملہ اے ایں تے ساریں دیاں سفارشات سݨسوں ،وفاقی وزیر قانون اعظم نذیر تارڑ

اسلام آباد۔9ستمبر (اے پی پی):وفاقی وزیر قانون اعظم نذیر تارڑ آکھیے جو لاپتہ لوکاں دا مسئلہ پندرہ 20 سال پراݨا اے ،ایندے حل کیتے کابینہ دی ذیلی کمیٹی تشکیل ݙے ݙتی اے ،سنجیدہ معاملہ اے ایں حوالے نال ساری دی سفارشات سݨسوں ، اسلا م آباد ہائی کورٹ پیشی دے بعد صحافیاں نال ڳالھ مہاڑ کریندے ہوئیں انہاں آکھیے جو اے معاملہ اڄ دا کائنی اے 20 سال پراݨا مسئلہ اے ۔انہاں آکھیے ایں مسئلے دے حل کیتے کابینہ دی ذیلی کمیٹی تشکیل ݙتی اے جیڑھی جو ترائے زاویں توں ایں مسئلے کوں ݙیکھدی پئی اے ایندی وجوہات کیا ہن ،ایندا حل کیا اے تے کیا ایندے قانون سازی دی وی لوڑھ اے۔انہاں آکھیے جوسنجیدہ معاملہ اے ایں حوالے نال ساریں دی سفارشات سݨسوں ۔میں کمیٹی دے کم اچ مداخلت کراں تاں زیادتی تھیسی۔