متحدہ عرب امارات توں ݙو ٻئی امدادی پروازاں چھݨ چھݨ کوں جناح انٹرنیشنل ایئرپورٹ کراچی پڄ ڳئی، پاکستان دا اظہار تشکر

اسلام آباد۔10ستمبر (اے پی پی) پاکستان اتے متحدہ عرب امارات وچال قائم انسانی ہمدردی دی بنیاد تے تعاون دے تسلسل اچ متحدہ عرب امارات توں ݙو ٻئی امدادی پروازاں چھݨ چھݨ کوں جناح انٹرنیشنل ایئرپورٹ کراچی پڄ ڳئی۔ دفتر خارجہ دے ترجمان ولوں جاری بیان موجب متحدہ عرب امارات توں مجموعی طور تے31 پروازاں خوراک، طبی سامان اتے خیمے وغیرہ ڳھن تے پاکستان پڄین۔ حکومت پاکستان ایں تعاون تے اظہار تشکر کیتا۔