اسلام آباد۔10ستمبر (اے پی پی) اقوام متحدہ دے سیکرٹری جنرل انتونیو گوتریس آکھیا جو پاکستان اچ اڄوکے چھل پاروں قیمتی انسانی جاناں، املاک، مال مویشی اتے روزگار دا ٻہوں نقصان تھیے پر امیداں زندہ ہن اتے امیداں دا کوئی نقصان نی تھیا۔ امیداں کوں جیندا رکھݨ کیتے پاکستان کوں عالمی امداد اتے تعاون دی ٻہوں لوڑھ اے۔ ماحولیاتی تبدیلی پاروں تباہ کن اثرات نال نبڑݨ کیتے اساکوں پائیدار اتے مضبوط …
پاکستان کوں عالمی امداد اتے تعاون دی ٻہوں لوڑھ اے، اقوام متحدہ دے سیکرٹری جنرل انتونیو گوتریس دا سکھراچ بریفنگ دے موقع تے ڳالھ مہاڑ
اسلام آباد۔10ستمبر (اے پی پی) اقوام متحدہ دے سیکرٹری جنرل انتونیو گوتریس آکھیا جو پاکستان اچ اڄوکے چھل پاروں قیمتی انسانی جاناں، املاک، مال مویشی اتے روزگار دا ٻہوں نقصان تھیے پر امیداں زندہ ہن اتے امیداں دا کوئی نقصان نی تھیا۔ امیداں کوں جیندا رکھݨ کیتے پاکستان کوں عالمی امداد اتے تعاون دی ٻہوں لوڑھ اے۔ ماحولیاتی تبدیلی پاروں تباہ کن اثرات نال نبڑݨ کیتے اساکوں پائیدار اتے مضبوط بنیادی ڈھانچے دی لوڑھ اے۔ ایں کیتے عالمی برادری کوں آپݨا کردار ادا کرݨا چاہیدے۔ چھݨ چھݨ کوں وزیراعظم شہبازشریف اتے وزیرخارجہ بلاول بھٹوزرداری دے رلے سندھ اتے بلوچستان دے چھل توں متاثرہ علاقیاں دے دورہ دے موقع تے سکھر پڄݨ تے بریفنگ ڳھنݨ دے بعد مختصر خطاب اچ سیکرٹری جنرل انتونیو گوتریس آکھیا جو انہاں چھل پاروں تھیوݨ آلے نقصان دا خود جائزہ ڳھدے۔ پاکستان اچ اڄوکے چھل پاروں قیمتی انسانی جاناں، املاک، مال مویشی اتے روزگار دا ٻہوں نقصان تھیے پر امیداں زندہ ہن اتے امیداں دا کوئی نقصان نی تھیا۔ امیداں کوں جیندا رکھݨ کیتے پاکستان کوں عالمی امداد اتے تعاون دی ٻہوں لوڑھ اے۔انہاں آکھیا جو عالمی برادری اتے اتے ادارہ قدرتی آفات ایں نال تھیوݨ آلی تباہی اتے نقصان دے ازالے کیتے پاکستان دی امداد اتے تعاون دی لوڑھ اے۔ پاکستان ماحولیاتی تبدیلیاں پاروں متاثر تھیوݨ آلے 50 پہلے ملکاں اچ شامل اے۔
