اسلام آباد۔11ستمبر (اے پی پی) وزیراعظم شہباز شریف متحدہ عرب امارات (یواے ای) دے وزیر کلچر، نوجوانان اتے سماجی ترقی شیخ نہیان بن مبارک آل نہیان کوں ٹیلی فون کر تے چھل متاثرین کیتے وڈی مالی امداد تے شکریہ ادا کیتا۔ وزیراعظم شیخ نہیان بن مبارک آل نہیان دے چھل متاثرین کیتے 10 ملین ڈالردے جذبے کوں خراج تحسین پیش کیتا۔ آݙت وار کوں وزیراعظم آفس دے میڈیا ونگ توں …
وزیراعظم شہباز شریف دا شیخ نہیان بن مبارک آل نہیان کوں ٹیلی فون ، چھل متاثرین کیتے وڈی مالی امداد تے شکریہ ادا کیتا
اسلام آباد۔11ستمبر (اے پی پی) وزیراعظم شہباز شریف متحدہ عرب امارات (یواے ای) دے وزیر کلچر، نوجوانان اتے سماجی ترقی شیخ نہیان بن مبارک آل نہیان کوں ٹیلی فون کر تے چھل متاثرین کیتے وڈی مالی امداد تے شکریہ ادا کیتا۔ وزیراعظم شیخ نہیان بن مبارک آل نہیان دے چھل متاثرین کیتے 10 ملین ڈالردے جذبے کوں خراج تحسین پیش کیتا۔ آݙت وار کوں وزیراعظم آفس دے میڈیا ونگ توں جاری بیان موجب وزیراعظم آکھیا جو شیخ نہیان بن مبارک آل نہیان پاکستان چھل متاثرین کیتے انفرادی سطح تے ہݨ تئیں دا ساریاں توں وݙا عطیہ ݙتے۔ انہاں دی فراخدالانہ مدد کوں پاکستانی ہمیشہ یاد رکھیسن۔ وزیراعظم آکھیا جو شیخ نیہان پاکستانی عوام نال بے لوث محبت اتے انسانیت کیتے دردمندی دا ثبوت ݙتے۔ وزیراعظم چھل نال تھیوݨ آلی تاریخی تباہی اتے متاثرین دی مدد کیتے حکومتی اقدامات بارے ݙسیا۔ شیخ نہیان بن مبارک آل نہیان چھل نال تھیوݨ آلے جانی تے مالی ضیان تے افسوس کیتا اتے اوکھے ویلھے پاکستان نال یک جہتی دا اظہار کیتا۔
