سیلاب پاروں ہزاراں ہیکٹر رقبے تے کھڑیاں فصلاں تے باغ تباہ تھی ڳئن ،وزارت قومی غذائی تحفظ وتحقیق

اسلام آباد۔12ستمبر (اے پی پی):وزارت قومی غذائی تحفظ اتے تحقیق آکھیے جو ملک اچ اجوکے ساوݨ دے مینھ تے وݙے پیمانے تے سیلاب پاروں تیل دے بج ، دالاں، سبزیاں سودھے ہزاراں ہیکٹررقبے تے چھوٹیاں فصلاں تے پھل دے باغ تباہ تھی ڳئن ۔وزارت قومی غذائی تحفظ دے مطابق سیلاب پاروں خیبر پختونخوا اچ تیل دے بجاں دی تقریباً 55 فیصد فصل تباہ تھی ڳئی اے کیوں جو موجودہ سیزن دے دوران اے فصل 432 ایکڑ تے کاشت کیتی ڳئی ہئی ۔وزارت موجب ملک اچ تیل دے بجاں دے رادھے ڳئے کل رقبہ اچوں تقریباً 237 ایکڑ رقبے کوں ضیان پڄیا جݙاںجو سیلاب توں صوبے اچ 938 ایکڑ تے کاشت کیتی ڳئی مختلف سبزیاں ضائع جݙاں جو پھل دے 98 ایکڑ رقبے دے 2 فیصد باغ تباہ تھی ڳئن ۔وزارت ݙسایا جو خیبرپختونخوا اچ 863 ایکڑ تے کاشت کیتی ڳئی 26 فیصد دالاں تے 91 فیصد کھجیاں کوں ضٰان پڄیا کیوں جو اڄوکی آفت دی وجہ توں کھجیاں دی پیداوار دا 2556 ایکڑ رقبہ تباہ تھئے جݙاں جو تباخوں دی 6 فیصد فصل کوں ضیان پڄے ۔ایں توں انڄ بلوچستان اچ اڄوکے سیلاب دے دوران 21,960 ایکڑ رقبے تے پھل دے باغاں کوں ضیان پڄے جݙاں جو 14,882 ایکڑ تے رادھیاں ڳیاں مختلف موسمیاتی سبزیاں دی فصل وی تباہ تھی ڳئی۔عہدیدارݙسایا جو سیلاب توں سندھ اچ 101,379 زمین تے کھجور دے درختاں کوں ضیان پڄے ، 29,622 ایکڑ رقبے تے کھڑیاں مرچاں دی خریف دی فصل وی تباہ تھی ڳئی اے وسل دی فصل 42,268 ایکڑ کوں ضیان پڄے ۔