پاک فضائیہ دی چھل توں متاثرہ علاقیاں اچ ریسکیو اتے بحالی دا کم جاری اے

اسلام آباد۔12ستمبر (اے پی پی) اڄوکے چھل پاروں ملک اچ تباہ کن صورتحال پاروں پاک فضائیہ خیبرپختونخوا، بلوچستان، سندھ اتے جنوبی پنجاب دے چھل توں متاثرہ علاقیاں اچ ریسکیو اتے بحالی دے عمل کیتے ہرممکن تعاون کریندی پئی اے۔ پاک فضائیہ دا ہوائی بیڑہ اتے ہیلی کاپٹرز چھل متاثرین دے محفوظ انخلاء سوھے کھاوݨ پیوݨ دی شہیں اتے طبی سامان دی بذریعہ ائیر ڈراپ ترسیل اچ اہم کردار ادا کریندے پئن۔ پاک فضائیہ دی میڈیکل ٹیماں چھل متاثرین دی مشکلات ڳھٹ کرݨ کیتے فلڈ ریلیف کیمپاں اچ طبی امداد ݙیوݨ اچ چوی گھنٹے مصروف اے۔ ترجمان پاک فضائیہ دے مطابق گزریل چووی گھنٹیاں اچ پاک فضائیہ دی ایمرجنسی ریسپانس ٹیماں ضرورت من ٹٻراں اچ 22,785 پکے ہوئے کھانے دے پیکٹ، 250 پاݨی دی بوتلاں اتے 1380 بنیادی غذائی اجناس دے راشن دے پیکٹ تقسیم کیتے۔