سیلاب متاثرین کیتے امدادی سامان گھن تے متحدہ عرب امارات توں مزید4 پروازاں کراچی پڄ ڳئن

اسلام آباد۔13ستمبر (اے پی پی):پاکستان دے سیلاب توں متاثرہ لوکاں کیتے امدادی سامان گھن تے متحدہ عرب امارات توں مزید 4 پروازاں گزریل ݙینھ کراچی دے جناح انٹرنیشنل ایئرپورٹ تے پڄ ڳئن ۔دفتر خارجہ دے ترجمان موجب اقوام متحدہ دے پناہ گزیناں دے ادارہ ( یو این ایچ سی آر) دی امدادی سامان نال لݙیاں ݙو پروازاں کراچی اچ لتھن ۔ سنوار دی رات تئیں یو این ایچ سی آر دیاں 6 پروازاں امدادی سامان گھن تے پاکستان آچکن ۔ ٻیاں ݙو پروازاں متحدہ عرب امارات توں امدادی سامان گھن تے آئن ،ہݨ تئیں سیلاب زدگان کیتے متحدہ عرب امارات توں 37 پروازاں پاکستان آئن ۔ ترجمان سیلاب زدگان کیتے انسانی امداد دا گرمجوشی اتے تشکرنال خیر مقدم کیتے۔