عمران خان صاحب جتنی اوقات اے اتنی ڳالھ کرو، مریم اورنگزیب

اسلام آباد۔13ستمبر (اے پی پی):وفاقی وزیر اطلاعات و نشریات مریم اورنگزیب آکھیے جو عمران خان کوں سیلاب اچ ٻݙیا ملک تے لوک نظر نی آندے پئے ، اقتدار دی ہوس دی پٹی اکھیں تے ٻدھی اے ، عمران خان دا حقیقی مسئلہ ذاتی انا، تکبر، خود پسندی، اقتدار دی ہوس تے کرپشن اے، عمران خان صاحب جتنی اوقات اے اتنی ڳالھ کرو ،”کیتی ونڄے ” تے ”کیتا وںڄے”دا ویلھا مک ڳئے ، عمران صاحب پہلے فیصلہ کرن تساں دا مسئلہ ہے کیا ؟ ٻاہرلی سازش؟ حقیقی آزادی؟ الیکشن کمشنر؟ کرپشن دا این آر او؟۔ منگل کوں آپݨے بیان اچ انہاں آکھیے جوعمران خان حقیقی آزادی کائنی بلکہ اپݨی حقیقی کرپشن توں این آر او چاہندن ،ٻاہرلے ملک سازش نی بلکہ اپݨی فارن فنڈنگ دی حقیقی سازش توں این آر او چاہندن ، عمران خان دا مقصد کوئی الیکشن کائنی بلکہ اپݨے مقدمے ختم کراوݨ اے ، عمران خان تڑی تے ڳالھیں مندے توں این آر او منگدے پئن ، عمران خان فرح گوگی اتے بشری بی بی کیتے این آر او منگدے پئن ، عمران خان بیمار، شکست خوردہ ذہنیت دے مالک تے کرپٹ انسان اے، عمران خان کوڑا ، انا پرست اتے خود غرض بہروپیا اے، عمران خان فارن فنڈنگ اچ این آر او منگدا پئے ۔ وفاقی وزیر اطلاعات آکھیے جو الیکشن کمشنر آخر کیا گناہ کیتے ؟ 8 سال توں زیرالتوا فارن فنڈنگ کیس اچ فیصلہ ہی تاں سݨائے ، عمران صاحب تساں الیکشن کمشنر توں کیڑھی چیز دی گارنٹی ڳھدی ہئی؟ عمران خان فارن فنڈنگ اچ الیکشن کمشنر توں این آر او منگدے پے ہن ، عمران صاحب الیکشن کمشنر تے تساکوں کاوڑ کیوں اے ؟ عمران صاحب تساکوں الیکشن کمشنر دی کیا، کیڑھی تے کیوں گارنٹی ݙتی ہئی ؟ انہاں آکھیے جو عمران خان امریکا دے خلاف بیان بازی کریندن تے امریکی فرم توں امریکا اچ لابنگ اتے برانڈنگ کرویندن ، لک لک تے ملاقاتاں کریندن۔