اسلام آباد۔13ستمبر (اے پی پی) وزیر اعظم محمد شہباز شریف شنگھائی تعاون تنظیم (ایس سی او) دے کونسل آف ہیڈز آف سٹیٹ دے سالانہ اجلاس اچ شرکت کیتے 15 اتے 16 ستمبر کوں سمرقند، ازبکستان دا ݙو ݙینھ دا دورہ کریسن۔ دفتر خارجہ دے ترجمان ولوں منگل کوں جاری بیان موجب وزیر اعظم محمد شہباز شریف ازبکستان دے صدر شوکت مرزیوئیف دی دعوت تے اجلاس اچ شریک تھیسن۔ اجلاس اچ …
وزیر اعظم شہباز شریف شنگھائی تعاون تنظیم دی کونسل آف ہیڈز آف سٹیٹ دے سالانہ اجلاس اچ شرکت کیتے ازبکستان دا دورہ کریسن
اسلام آباد۔13ستمبر (اے پی پی) وزیر اعظم محمد شہباز شریف شنگھائی تعاون تنظیم (ایس سی او) دے کونسل آف ہیڈز آف سٹیٹ دے سالانہ اجلاس اچ شرکت کیتے 15 اتے 16 ستمبر کوں سمرقند، ازبکستان دا ݙو ݙینھ دا دورہ کریسن۔ دفتر خارجہ دے ترجمان ولوں منگل کوں جاری بیان موجب وزیر اعظم محمد شہباز شریف ازبکستان دے صدر شوکت مرزیوئیف دی دعوت تے اجلاس اچ شریک تھیسن۔ اجلاس اچ شنگھائی تعاون تنظیم دے رکن ملک اتے مبصر ملکاں دےسربراہان دے علاوہ ایس سی او دے مختلف تنظیماں دے سربراہاں تے ٻئے خصوصی مزمان شریک تھیسن۔ کونسل آف ہیڈز آف سٹیٹ شنگھائی تعاون تنظیم دا ساریاں توں اعلیٰ فورم اے جیڑھا جو تنظیم دی حکمت عملی، امکانات اتے ترجیحات تے غور اتے وضاحت کریندے۔ اجلاس اچ موسمیاتی تبدیلی، خوراک اتے توانائی دی حفاظت اتے پائیدار سپلائی چین دے نال نال عالمی اتے علاقائی مسئلیاں تے غور کیتا ویسی۔
