عوام کوں سستی بجلی ݙیوݨ دا منݙھ بدھ ݙتے، ہݨ بجلی دی پیداوار دا کوئی منصوبہ ایندھن تے کائنا لڳسی، وفاقی وزیربجلی خرم دستگیر خان

اسلام آباد۔14ستمبر (اے پی پی) وفاقی وزیربجلی خرم دستگیر خان آکھیا جو عوام کوں سستی بجلی ݙیوݨ دا منݙھ بدھ ݙتے، ہݨ بجلی دی پیداوار دا کوئی منصوبہ ایندھن تے کائنا لڳسی۔ ملکی اتے غیر ملکی سرمایہ کاراں شمسی توانائی دے منصوبیاں اچ سرمایہ کاری اچ دلچسپی ݙکھائی اے۔ چھی سو میگاواٹ دے پہلے منصوبے تے سرمایہ کاراں کوں بریفنگ ݙتی ویندی پئی اے۔ شمسی توانائی نال ماحولیاتی آلودگی ڳھٹ ویسی۔ شمسی توانائی دے منصوبے دے نرخ دا تعین شفاف طریقے نال کیتا ویسی۔ پورے ملک اچ دیہاتی علاقیاں اچ ہک توں چار میگاواٹ دے شمسی توانائی دے منصوبے لاتے ویسن۔ سرکاری عمارتاں کوں سولر تے منتقل کیتا ویسی۔ کساناں کوں شمسی توانائی تے چلݨ آلے ٹیوب ویل ݙتے ویسن۔ بین الاقوامی مارکیٹ اچ ایں سال دے شروع اچ کوئلے، تیل اتے گیس دے نرخاں اچ ترائے سو توں چار سو فیصد ودھارا تھیے۔ بدھ کوں پریس کانفرنس توں خطاب کریندیں ہوئیں انہاں آکھیا جو وزیراعظم شہباز شریف دی قیادت اچ سستی بجلی دی فراہمی دا منݙھ بدھیا ویندا پئے۔ ہݨ بجلی دی پیداوار دا کوئی منصوبہ ایندھن تے کائنا لڳسی۔ ملکی اتے غیر ملکی سرمایہ کاراں شمسی توانائی دے منصوبیاں اچ سرمایہ کاری اچ دلچسپی ݙکھائی اے۔ چھی سو میگاواٹ دے پہلے منصوبے تے سرمایہ کاراں کوں بریفنگ ݙتی ویندی پئی اے۔ شمسی توانائی نال ماحولیاتی آلودگی ڳھٹ ویسی۔ شمسی توانائی دے منصوبے دے نرخ دا تعین شفاف طریقے نال کیتا ویسی۔