پاکستان کوں عظیم تر ملک ٻݨاوݨ اوکھا اے ٻھل ناممکن نئیں، وزیراعظم دا وکلاء کنونشن نال خطاب

اسلام آباد۔14ستمبر(اے پی پی)وزیراعظم محمد شہباز شریف آکھیے جیکر اڄ اساں اے فیصلہ کر ڳھنوں جو پاکستان کوں ہک عظیم تر ملک ٻݨاوݨے تاں اوکھا ضرور ہوسی ٻھل ناممکن کائنی، جیکر بار اتے بنچ کتھے ہوون تاں آئین دی بالادستی، قانون دی حکمرانی اتے انصاف دی کون ڳالھ کریسی، سیلاب متاثرین دی بحالی کیتے ہر کہیں کوں کم کرݨا ہوسی نتاں تاریخ ساکوں معاف نا کریسی۔ اے ڳالھ انہاں وکلا کنونشن نال خطاب اچ آکھی جو اڄ 75 سال بعد وی اساں ٹھوٹا چاتی ودے ہیں اتے ساݙے ہمسائے ساݙے کولو اڳو نکل ڳین، معاشی ترقی کیتے وݙی مھنت دی لوڑھ اے، ساݙے ملک اچ وسائل، اذہان، انسانی قوت موجود اے، بجلی گیس دی لوڑھ پوری کرݨ کیتے ودھ اقدامات کریندے پئے ہیں، معاشی ترقی کیتے اقدامات تھیندے پن، سیلاب جھیں آفت نال نبݨݨ کیتے وݙے پیمانے تے امداد اتے حمایت دی لوڑے اے، امید اے ایں چیلنج تے تیکھے قابو پا ڳھنسوں۔