وزیراعظم محمد شہباز شریف دی خصوصی ہدایت تے کوئٹہ سبی ٹرانسمیشن لائن بحال ، کوئٹہ کوں 300 میگا واٹ بجلی دی فراہمی شروع تھی ڳئی

اسلام آباد۔15ستمبر (اے پی پی):وزیراعظم محمد شہباز شریف دی خصوصی ہدایت تے کوئٹہ سبی ٹرانسمیشن لائن بحال کرݙتی ڳئی جیں توں بعد کوئٹہ کوں 300 میگا واٹ بجلی دی فراہمی شروع تھی ڳئی اے ۔وزیر اعظم آفس دے میڈیا ونگ توں جاری بیان موجب 220 کے وی کوئٹہ انڈسٹریل گرڈ سٹیشن وی بحال کرݙتا ڳئے جیں توں بعد علاقے دے 132 کے وی دے19 گرڈز کوئٹہ انڈسٹریل گرڈ سٹیشن نال منسلک کر ݙتے ڳئن ں۔قومی شاہراہ این 65 (سکھر – کوئٹہ) کوں وی ہیوی ٹریفک کیتے بحال کرݙتا ڳئے جیں توں نصیرآباد ڈویژن تے ٻئے سیلاب آلے علاقیں اچ امدادی سامان پڄاوݨ اچ سوکھ تھیسی ۔ واضح رہے جو وزیر اعظم محمد شہباز شریف سیلاب آلے علاقیں اچ بحالی دے کماں کوں خود مانیٹر کریندے پئن ، ایں حوالے نال انہاں کوں روزانہ دی بنیاد تے رپورٹ پیش کیتی ویندی پئی اے ۔