موسمیاتی تبدیلی، وبائی امراض اتے ودھدی ہوئی عدم مساوات جیھے چیلنجز نال اقوام متحدہ دے چارٹر دے مطابق ساری قوماں دے تعاون نال نبڑیا ونڄ سڳدے، وزیر اعظم شہباز شریف دی چینی صدر نال ملاقات اچ ڳالھ مہاڑ

سمرقند۔16ستمبر (اے پی پی) وزیر اعظم محمد شہباز شریف آکھیا جو موسمیاتی تبدیلی، وبائی امراض اتے ودھدی ہوئی عدم مساوات جیھے چیلنجز نال اقوام متحدہ دے چارٹر دے مطابق ساری قوماں دے تعاون نال نبڑیا ونڄ سڳدے۔ وزیر اعظم آفس میڈیا ونگ توں جاری بیان موجب وزیر اعظم شہباز شریف جمعہ کوں سمرقند اچ شنگھائی تعاون تنظیم دے 22ویں سربراہان مملکت دے اجلاس دے موقع تے چینی صدر شی جن پنگ نال ملاقات کیتی۔ اپریل 2022 اچ وزراتِ عظمی دا منصب سنبھالݨ دے بعد چینی صدر نال انہاں دے اے پہلی ملاقات اے۔ ݙوہیں رہنماواں وچال آپسی اعتماد اتے افہام و تفہیم دے ماحول اچ خوشگوار ملاقات تھئی۔ وزیراعظم صدر شی جن پنگ کوں پاکستان دا سرکاری دورہ کرݨ دی دعوت ݙیندیں ہوئیں آکھیا جو پاکستانی عوام انہاں دے پرتپاک استقبال دے منتظر ہن۔ دعوت کوں قبول کریندیں ہوئیں صدر شی آکھیا جو او جلدی توں جلدی وزیراعظم شہباز شریف دے دورہ چین دے منتظر ہن۔