صدر ڈاکٹر عارف علوی دی سوئی ناردرن کوں غیر منصفانہ بل تے ولا دید ٻھنواوݨ دی ہدایت

اسلام آباد۔17ستمبر(اے پی پی)صدر مملکت ڈاکٹر عارف علوی سوئی ناردرن گیس پائپ لائنز لمیٹڈ کوں غیر منصفانہ بل تے ولا دید ٻھنواوݨ دی دہایت کریندے وفاقی محتسب دے فیصلے دے خلاف دائر گیس کمپنی دی درخواست مسترد کرݙتی۔ صدر مملکت آکھیا جو گیس کمپنی شہری توں ناجائز بل، میٹر دا ملھ وٹھ تے بد انتظامی ݙکھائی اے۔ گیس کمپنی پشاور دے شہری کوں 44 ہزار روپے توں ودھ دا بل ٻھیڄیا ہا۔ صدر مملکت آکھیا جو شہری دا گیس میٹر فائرنگ پاروں خراب تھئے، ایندے اچ صارف دی کیا غلطی ہئی، شکایت کنندہ اپݨے میٹر دے ضیان دی ایف آئی آر وی درج کرائی، ایندے اچ میٹر کوں چھیڑݨ دا کوئی ڳالھ کائنی۔ گیس کمپنی وی شہری دی گیس معاہدے دی خلاف ورزی دا نئیں آکھیا، گیس کمپنی اوگرا قواعد و ضوابط دے مطابق گیس میٹر 5 ݙینھ اچ مقامی لیبارٹری کوں ٻھیڄݨ اچ ناکام رہی اتے ہک مہینے بعد میٹر مقامی لیبارٹری بھیڄیا ڳئے، کمپنی کوں جرمانے دا اختیار نئیں، اے مجاز عدالت دا کم اے۔